هذه هي حكاية الدنيا

يقولوا اللي فات مات.....و يقولوا الجراح تداويها الدنيا و الحياة
يقولوا لا تامن في الزمان الغدار و الاوقات.....و يقولوا ضحك للدنيا تهديك الفرح و البسمات
نسينا اللي فات....و قلنا زعمى الجراح تمحات
مادرنا ثقة في الزمان و اليامات.....ضحكنا للدنيا و دعينا تنسينا في الكيات
صبرنا بصح.......بزاف.........sayé بركات....
طمعتنا بحكايات....ضحكت علينا شي ساعات
لعبت بنا و البسمة دات.....كذبت علينا و النية ما بقات
و المحبة من القلوب خوات........غبنت اللي قانع بالفتات
و هنات اللي يكوي الناس بالجمرات
القليل مسكين راضي على همو يبات...كثروا الرياح و شمعة حياتو طفات
و حلمو في الدنيا يصدقولوا الوليدات
و السلطان بالطمع عينيه تعمات....
حياتو كاملة يجري مورى الفاني و البنات
ينسوه في العايلة في الاحباب...و حتى الميمة اللي ربات
رضينا بالدنيا والمكتوب و عشنا في سكات...
كتمنا في القلوب بصح خلاص القلوب عيات و ما تهنات
مول النية يربح بصح اليوم الرابح هة صاحب الحيلات...
ما يعرف حق حياتو كاملة غش في الدخلاتو الخرجات
داروا النية و النية ما خلات ....مشاو في سفينة و السفينة ما رسات
عايشين في هم ساكتين بصح العينين فضحت و حكات
متوكلين غلى العالي و كيما جات جات
هذه هي حكاية الدنيا اللي ما كملت ما بدات
ايه يا دنيا.........كي كانت و كي ولات......

شكرا

كلمات رائعة ....انما الدنيا طريق ينتهي بالحائرين
تقبل مروري

شكرا على الردود