الى اصحاب باك 2013

بسم الله الرحمــــــــــــــن الرحيم

راكم قالقين ؟؟؟؟؟؟؟؟؟ راني لاحظت بعض مواضيع لمترشحي باك2012 ........انا
من اصحاب باك 2011 -خدمت مليح و الحمد لله - فكرتوني في حالي العام
الماضي و الله نفس حالتكم

انصح اخواني الطلبة بالراحة افضل من القراية تاع الصيف .............مازال الوقت...علاه تعبوا في رواحكم من الان؟؟؟؟؟

والله راهي مضيعة للوقت استمتعوا بوقتكم وخليكم من لقراية .........كي يلحق سبتمبر اتكلوا على ربي

..............................

رايح نمدلكم ما استفدت منه و ما وقعت فيه من اخطاء

اولا و قبل كل شي ..........الثقة بالنفس اساس النجاح...............

نحي من بالك استاذ مليح و الاخر ماشي مليح ..............دير في بالك حاجة برك....حاب تتعلمها تتعلمها و خلاص واحد

ماراح يحبسك...................

شفتوا مقولة /لا تؤجل عمل اليوم الى الغد/...........هذي السنة عرفت قيمتها

ما تخليش حاجة تفوتك و نتا ماكش فاهمها ...........افهمها في وقتها والله تعرفوا قيمة الساعة و الدقيقة صح.......ردو

بالكم من .......مازال الحال انا صراتلي هذا العام بصح الحمد لله تداركت قبل فوات الاوان.......والله أنا

كي شغل البارح دخلت نقرى و اليوم راني فوت الباك

اجتهدوا على قدر المستطاع لأن العقول مختلفة ............نتا تقرى 4 ولا 5 سوايع باه تفهم حاجة ولا تخدم 10تمارين باه تفهم

ماشي كي لي قرى ساعتين ولا حل تمرينين و يستوعب الفكرة .....امشي على حسب مقدرتك برك ............نتا لازمك 15
تمرين لاستواعب الفكرة لازم عليك تحلهم برك كيما أنا احتجت ليكور في العلوم و الفيزياء و الرياضيات باه قريتهم مليح

+ننصحكم بعدم اهمال المواد الادبية
وش خاسر تقرى عام مليح و تتهنى في الاخير

والله راح يفوت يجري ما تحسش بيه خلاص

ما تكبر الامور ماوالو ........انا استخلصت ...تقرى تنجح ما تقراش ماتنجحش برك

ما تخوفوا رواحكم ما والو .........انا دخلت خايف ...كي لي قالولي اخدم
صاروخ ........الحمد لله مع مرور الوقت تخلصت من هذا الخوف .....وأخطيكم من
الرفاق المتشائمين والله أفادتني شخصيا

على قدر اهل العزم تأتي العزائم و تأتي على قدر الكرام المكارم
و تعظم في عين الصغير صغارها و تصغر في عين العظيم العظائم

اعمل الي عليك

خير من لي تندم في الاخير......

و في المراجع................انا شريت و خدمت بالهباج في الرياضيات و في العلوم خدمت بأحمد امين خليفة القديم

و الجديد فيه جزئين لقيتهم في الانترنيت ........و نتوما ما تشريوا ماوالو هذوا المراجع راهم هنا في منتدى الجلفة

-ضك نشوفهم و نعطيكم الرابط-

بفضل بعض الاعضاء بارك الله فيهم ..........و في الفيزياء خدمت بالمتميز جبتو من مكتبة الثانوية

ما تكثروا عليكم المراجع ماوالو انا ........هذو لي افادوني ...والله أعلم

وفي الاخير

عندكم تنساونا بدعواتكم و ادعيولنا نجيبوا معدل مليح في الباك

+

ممكن لأعضاء باك 2011 يضيفو بعض النصائح

شكرا أخي على الموضوع المفيد والرائع بارك الله فيك 20kh7

ربي ينجحكم انشاء الله والعام الجاي وادعولنا لعام 2012

مشكور على المعلومات ياعطيك الصحا وادعونا يارب انشاء الله

شكرا على هده النصائح و ربي يجزيك خير و ادعولنا بنجاح في بكالوريا 2012 و افيدونا بنصائحكم و معلوماتكم شكرا

شكرا بارك الله فيك اخي الكريم

شكرا على هده النصائح القيمة و ربي يجزايك كل الخير.............بارك الله فيك

شكرا لك اخي الكريم على النصائح القيمة ربي يوفق و يوفقنا قاع

بالتويق للحميع انشاء الله

[[ندعوك للتسجيل في المنتدى أو التعريف بنفسك لمعاينة هذه الصورة] Very Happy

شكوت الى وكيع سوء حفظي فارشدني إلى ترك المعاصي
واخبرني بان العلم نور ونور الله لايهدى لعاص

شكرا لك أخي على هذه النصائح لكن هي في الحقيقة أشياء معروفة لكن التكرار الغرض منو التأكيد
ان اء الله يوفقنا وندو الباك [ندعوك للتسجيل في المنتدى أو التعريف بنفسك لمعاينة هذه الصورة]