لمن يحب البوقالات

بسم الله بديت وعلى النبي صليت وعلى صحاب هد القعدة نويت

1

شجرة على طرف البير واعراقها دلايا يما شفت الطير وجهو كي المرايا عليه القعاد تسير وعليه نطوي ثنايا

2

دخلت الى الدار ....لقيت خطابة في البيت ....شديت منديل وابكيت ...لكن في قلبي حبيت

3

قلبي على جمرة وقلب حبيبي على تمرة بعثتلو وردة حمراء قلتلو الخديعة مرة قالي والله ما نخدعك حتى نروح نعيا في المقبرة

4

ما نديها طويلة، سلوم راشي ما نديها قصيرة فكرون ماشي نديها مربوعة كي عالم الباي ماشي

5

الاسمر يا الاسمر يا شباب الحومة وشيبيك غضبان وزعلان علينا احنا ما نسى بلا بيك على وجه ربي راضينا وراضي علينا

6

قريب الرفيقة يا قريب الرفيقة بيني وبينك تويقة يا المخلي في قلبي شقيقة تروح وين تروح بصح تعيا وترجع ليا ونرد لقلبك الحريقة

7

ما نا كلش من جنان الجنة ولو يشهيني وما ناخدش الشيخ ولو يغنيني، ناخد الشباب بيض ولا سمر ...المهم هو اللي يملالي عيني

8

انت ساعة وانا رقاص فيك، انت خاتم وانا مرجان فيك نطلعو لراس الجبل والي تلحق بكري تديك

9

اعطاك الزين وطباعك حنة، كحل العين واتاك ....وردة في الجنبنة في يد اللي حداك يحفضك ربي من العوينةويخليك للي بغاك

10

شفت ثلث بنات في وسط الدار، الاولى قالت زهري محبوب والثانية قالت زهري مكتوب والاثالثة قالت زهري مع المحبوب انا خيرت دعوة الخير تشفع فيا وتنحيلي الدنوب

11

- في الساقية الماء يجري و الحشيش نابت متخالف بالشوكمليت حجري من هذاك الراي التالف كي غبت و غاب زهري و لا اللي يجيني خايف.
12

- أقعدت تحت النخلة قالولي دقلة نور جات أدور أطلعت فوقالنخلة و بالعسل رشيت الصور معاه المعيشة تحلى حبيبي الساكن في القصور.
13

- جيت ساميت البحر شفت الحوت يعوم عرفت ما عندي زهر في ذاالحظ المحموم كي غاب ضي القمر ما ردت ضي النجوم.
14

-شجرةياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة.
15

-ما نكلش القارص لو يشهيني و ما نخذش الشيخ لوكان يغنيني ناخذ شاب صغير قده يواتيني.
16

-دارنا في الجبلمقبلة مكة و فراشها حرير طبقة على طبقة و مصباح الفضة يشعل ما يطفى.
17

- غرست ياسمينه في وسط الدار عروقها سكنجبير و أطرافهانوار يما يا يما محلى عشق الجار العين تخز في العين و القلب شاعلة فيه النار.
18

- أصلك أصلك و ما ينفع غير الصح مولاة النية الصافيةعليها ربي يفتح أطول و لا تقصر يجيها السعد و الربح.
19

- يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايمازاهية و ربي مسهلك ما دريت من حيلة ندير باش نكون مثلك.
20

-التمر و الحليب في طبق وسط الخيمة نهديهم للحبيب باهيوالف ديمة ما يعزش اللي في الجيب هذاك زوجي يالميمة.
21

- يا لتفاح الجربى يا مكر بع محلاك نهديك أنا لحبيبي وبيه نرفع اشناك كي حن عليا ربي أرافقو أنا وياك.
22

- يا لساكنة في الخيمة و الريح جانيقبلي ردي أوراقك ديمة لا يولي الريح غربي
23

- في الدارصندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة.
24

-يا لالا يالالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي.
25

- حكمتالطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف.

26

- علي يا علي يالي سومك غالي من صابك تجي لعندينفرشلك مطرح حرير و نغطيك بيزاري.