تعلم اللغة اليابانية

::

السلام عليكم و رحمة الله و بركاته!
こんにちはみんなさん！


كونبانوا لكل الحاضرين
ب مناسبة السنه الجديده و رغبة الكثير في انهم يشغلون وقتهم
بتعلم شي بدل متابعة المسلسلات و الدراما

وها اناذا اكتبها وانا اضحك مع انشغالي الشديد بأعمالي المسوفة و تجاهل شغل المطبخ
إذن, فلنتعلم النيهونقو![ندعوك للتسجيل في المنتدى أو التعريف بنفسك لمعاينة هذه الصورة]

أول شي بتحتاجه عشان تتعلم ياباني هو القدره على استعراض و كتابة الحروف اليابانيه على جهازك
إذا كنت تقدر تكتب و تشوف اللغه اليابانيه في هذي الصفحه
معناتها انت مستعد لتعلم اللغه اليابانية
أما إذا كانت تطلع لك مربعات و طلاسم, إتبع هذا الدليل اللطيف
و بتصير عندك اللغه اليابانيه بإذن الله

كود:
Writing Japanese on Windows XP
الحين جرب تحول اللغه إلى اليابانيه, و اكتب اي شي في اي مكان, هل تطلع معاك الحروف اليابانية؟
إذا طلعت لك حروف انقليزيه مع ان اللغه الي اخترتها ياباني, اضغط على مربع اللغه و اختر:
show the language bar
و من هناك روح على الزر الي فيه حرف A كبير و اختار Hiragana
من المفترض ان تطلع معاك الحروف بهذا الشكل

كود:
こんにちは、　私は　レン　です！
س: طيب سينسي(معلمه) شلون بتكون الدروس؟ ترا احنا ما نحب سالفة الواجبات
ج: أول شي الي يقول لي سينسي بينقص درجة ثاني شي بتكون الطريقه في التعلم بالتسلية
بنحاول نخلي الدروس ممتعه عشان تتذكرون الأشياء بسهوله لما تحتاجونها
والي عندها اقتراحات تتفضل

س: طيب وش ينتعلم
ج: الحروف اليابانيه و بعض المتفرقات

س: متى نبدا دروس القواعد اللغوية اليابانية؟
ج: إذا حضرت حفل حق قاكت في طوكيو دوم

س: سينسي ناويه تحضرين حفل في طوكيو دوم
ج: ناقص درجة

في البداية خلوني اوضح لكم طريقة الكتابه اليابانية

الي بتخليكم تستوعبون 90% من اللغه في خمس دقايق
اي لغه في العالم فيها شي اسمه مدود (الي هي الحروف الف و واو و ياء في العربيه)
وحروف اسمها صوامت (الي هي بقية الحروف الي مو مدود <- حلفي )
اللغه العربية عندنا كلمة "أطخم" فيها مد واحد و اربع صوامت
أ = مد
ط خ م = صوامت <- ما فيها شي تقدر تمده لو كنت بتمطط الكلمة
لكن الفرق بين العربي و الياباني ان بالياباني كل حرف في اللغه لازم لازم يلصق فيه مد
يعني كل حرف مصادق له مد ما ينقشع عنه لو ايش
المدود اليابانيه هي: A I U E O
يعني A حرف, و I حرف, و U حرف و E حرف <- خلاص فهمنا
و كل مد من هالمدود يلصق في حرف صامت (مثل الميم و الراء و التاء)
يعني بتقولين حرف الميم بالياباني, يصير ما او مي او موو او مو
بتقولين حرف الجيم بالياباني ما تقدرين تقولين ارجاتو يعني شكراً
لازم تلصقين المدود في مكانها الصحيح عشان تصير أ ري جا تو

يا رب فهمتوا لأن صوتي راح و انا اهذر الي ما فهم يقول لي عشان انقصه درجتين
طيب استوعبتوا الحين فكرة اللفظ الياباني؟

طيب في مخك اكتبي كلمة: اوياسمي (تصبح على خير) , شلون بتطلع؟
احتمال تنكتبoyasome , أو تنكتب oyasumi , او تنكتب uyasome ؟



بنتعلم الكتابه الصحيحه لهالكلمة بعدين, لكن لاحظوا ان كل حرف معاه صديقه المد.

طيب لو كنتي كتبتيها oyasmi ؟

هذي غلط لاحظوا حرف ال s ما وراه صديقه الصدوق,
عشان كذا يشعر بالوحده

<- خلصي علينا فهمنا الطريقه, بس نبي نتعلم

الحروف و نطلع


الي فهم هالنقطه

بيصير فهم طريقة كتابه 90% من اللغه اليابانية

يعني انت الحين تعرف 90% من الكتابه اليابانيه!

كذاا بكلللل بساطه