قصيدة بالعربية ولكنها تعلمك الانجليزية

السلام عليكم اخوتي الكرام

قريت هالموضوع باحد المنتديات وحبيت انقلهولكم للفائدة


تفضلو اقروا القصيده وان شاء تستفيدوا ولو بكلمة









قوم جورج وجون وعيونهم زغر & مـا تعـرف لترجمتهـم بالكـلام


عنـدهـم الأم سمـوهـا مــذر & والأبـو فـذر قليليـن الـرحـام


والمـرأه فيميـل والميـل الذكـر & وأختك السستر وترى البوي الغلام


والبدي جسمك وباك اسم الظهـر & واليدين الهانـدز والفنقـر ابهـام


والغنم هي شيـب والكـاو البقـر & واللحم هو مييت والبـون العظـام


والدجاجه هـن والهـوك الصقـر & والبجن قالوا تراه اسـم الحمـام


وشمس ربي سن والمون القمـر & والشهر سموه منث وييـر عـام


والدقيقـه منـت والسـاعـة أور & وهولـدي عطلـة وديوتـي دوام


والبـريد الخبـز والسكـر شقر & والعسل هني وسوب اسم الايـدام


والشجـر تريـز والنهـر الرفـر & والسماء اسكاي واكلـود الغمـام


والنجوم استارز والطقس الـوذر & والضو لايت ودارك اسم الظـلام


وكلمة فلور تـرى تعنـي الزهـر & وكل عشب قراص لو انه ارمـام


وكل غرفه روم والهاوس القصـر & وباب بيتك دور والروف الطمـام


ولو علـى بلدانهـم دايـم مطـر & ما تساوي ديـرة العـرب الكـرام