يا قلبي يهديك هنيني نرتاح...

يا قلبي يهديك هنيني نرتاح.......علاش راك دغدغ فيا
انسى شوية لي جفاك و راح.....و اطلب ربي تبرا من الكية
وقتنا ما بقى للحب مراح.......... راه يتباع مثل الزرودية
مول المال يشري بلا قشاح..... و انت شوف بالعين و موت رزية
كية الحب ما يدرقها تشباح...... مهما تفرح تعكر جوك هي
والله يا عقلي كي معاك راح..... زعمة زعمة يجاهي بالعقلية
فرات لحبيبة قلبها قساح......... ما ينفع معها لا جاه لا جبهية
حي يا القلب المضرور ع الفلاح.. ما تخافش كي نشوفها ندور عينية
مهما دمعي منهم ساح........... نقلك قشرت بصلة حارة شوية
اصبر و الصبر للفرج مفتاح......... خبي حبك واعطيه للكاتبة ليا
الخير كاين و كاين ياسر ملاح..... يستاهلو كل عطفك و الحنية
ما تخليش عزالي يقولوا جاح..... خطاتو فلانة تلف الثنية
انسى و ازهى و زيد ف المراح ... علاش راك مكبوت ثقلتي عليا
من دمارك الشيب على راسي تلاح.. هويتلي من لا ليها هوية
قلبها يبس من الحب شاح........ رجعت مثل فنجال القهواجية

[ندعوك للتسجيل في المنتدى أو التعريف بنفسك لمعاينة هذه الصورة]
كلام ي قمة